რუსეთის პრეზიდენტი, ვლადიმერ პუტინი 27 ნოემბერს ყაზახეთს ეწვევა, – ამის შესახებ ყაზახეთის ვიცე-პრემიერმა, საგარეო საქმეთა მინისტრმა, მურატ ნურტლეუმ ასტანაში რუსეთის საგარეო საქმეთა მინისტრ სერგეი ლავროვთან შეხვედრაზე განაცხადა.

„რუსეთის პრეზიდენტის 27 ნოემბერს დაგეგმილი სახელმწიფო ვიზიტი ყაზახეთში ძალიან მნიშვნელოვანია მრავალმხრივი პარტნიორობის ხელშეწყობისთვის“, – განაცხადა მან.

თავის მხრივ, ლავროვმა აღნიშნა, რომ მხარეები „სერიოზულად ემზადებიან“ რუსეთის პრეზიდენტის 27 ნოემბერს დაგეგმილი ვიზიტისთვის.